|
05/03/2010 13:00 АҦСНЫ, АҞӘА
Аҧшьаша ашьыжь, Москватәи аклиникаҿы зыҧсҭазаара иалҵыз Аҧсны аҳәынҭқарра раҧхьатәи Ахада Владислав Арӡынба наунагӡа абзиараз ҳәа иаҳәара мҩаҧысуеит Москва.
Аҧсны аҳәынҭқарра раҧхьатәи Ахада иҧсыбаҩ зҭоу аҭоубыҭ ықәыргылоуп Урыстәылатәи Афедерациа Арџьармчқәа Ркультуратә центр аҟны.
Шәҩыла ауаа ааиуеит арахь Владислав Арӡынба аҵыхәтәантәи имҩахь инаскьагаразы, урҭ рыбжьара аҧсуа диаспора, Урыстәыла аполитикатә елита, ауаажәларра рхаҭарнакцәа. Алахьеиқәратә митинг алагоит 12.30 рзы ҳәа “Аҧсныпресс” ахь адырра ҟалҵеит Аҧсны аҳәынҭқарра раҧхьатәи Ахада Владислав Арӡынба ицхырааҩ Раиса Погорелаиа.
|
